لندن ایئرپورٹ سے اروشی روٹیلا کا جیولری سے بھرا بیگ چوری

لندن کے ایئرپورٹ سے بالی ووڈ اداکارہ اروشی روٹیلا کا جیولری سے بھرا بیگ چوری ہوگیا۔

بھارتی میڈیا رپورٹس کے مطابق اروشی روٹیلا کی ٹیم کی جانب سے واقعے کی تصدیق کی گئی جس میں بتایاگیا ہےکہ لندن کے گیٹوک ایئرپورٹ سے اداکارہ کا جیولری سے بھرا بیگ چوری ہوا ہے۔

اروشی کی ٹیم کے مطابق اداکارہ کے چوری شدہ بیگ میں 70 لاکھ بھارتی روپے کی مالیت کے زیورات تھے۔

 

View this post on Instagram

 

A post shared by URVASHI RAUTELA (@urvashirautela)

ٹیم کے بیان میں بتایا گیا ہے کہ اداکارہ اروشی ومبلڈن ٹینس ٹورنامنٹ میں شرکت کیلئے لندن گئی تھیں، واپسی پر گیٹوک ایئرپورٹ پر لگیج بیلٹ سے اداکارہ کا قیمتی بیگ چوری ہوگیا، اس واقعے کے بعد جب ایئرپورٹ انتظامیہ سے مدد طلب کی گئی تو ان کی جانب سے  بھی کوئی جواب نہ مل سکا۔

اروشی نے بیگ چوری ہونے پر ناراضی کا اظہار کرتے ہوئے کہا کہ میرے سامان کا ٹیگ اور ٹکٹ ہونے کے باوجود بیگ بیلٹ ایریا سے غائب ہو گیا، بیگ کی چوری ایئرپورٹ سیکیورٹی کی خطرناک خلاف ورزی ہے۔

اداکارہ نے مزید کہا کہ یہ معاملہ صرف گمشدہ بیگ کا نہیں بلکہ  تمام مسافروں کی سیکیورٹی  اور وقار کا ہے۔

واضح رہے کہ اس سے قبل بھار تی شہر احمد آباد کے نریندر مودی اسٹیڈیم میں پاک بھارت میچ کے دوران بھی اروشی روٹیلا اپنے مہنگے ترین آئی فون سے محروم ہوگئی تھیں۔