درفشاں سلیم نے بلال عباس کیساتھ خفیہ نکاح کی خبروں پر خاموشی توڑ دی

پاکستان کی معروف اداکارہ درفشاں سلیم نے بلال عباس کیساتھ خفیہ نکاح کی خبروں پر خاموشی توڑ دی ہے۔

حال ہی میں پاکستانی شوبز انڈسٹری کی معروف اداکارہ درفشاں سلیم نے ایک انٹرویو میں ساتھی اداکار بلال عباس کے ساتھ خفیہ نکاح کی افواہوں سے متعلق پہلی بار بات کی۔

 اداکارہ سے سوال کیا گیا کہ ان کے اور بلال عباس کے درمیان خفیہ نکاح کی خبریں زیر گردش ہیں، جس پر انہوں نے کہا کہ ایک اداکار جب کسی کردار میں مکمل طور پر ڈوب جاتا ہے تو وہ کردار حقیقت کا رنگ اختیار کر لیتا ہے۔

 ان کا کہنا تھا کہ "عشق مرشد” ایک رومانوی ڈرامہ تھا، اس لیے میرے اور بلال کے درمیان آن اسکرین ہم آہنگی ضروری تھی تاکہ کردار حقیقت سے قریب تر محسوس ہو۔

درفشاں سلیم نے واضح کیا کہ وہ اپنی ذاتی زندگی کو نجی رکھنا پسند کرتی ہیں، اور اس معاملے میں زیر گردش تمام افواہیں بے بنیاد ہیں۔ انہوں نے کہا کہ نجی اور خفیہ معاملات میں فرق ہوتا ہے، اور شادی جیسا معاملہ اتنا بڑا ہوتا ہے کہ اُسے زیادہ دیر تک چھپایا نہیں جا سکتا۔