بھارت کی سینئر اداکارہ بسنتی چیٹرجی 88 برس کی عمر میں چل بسیں

کولکتا – بھارتی فلم انڈسٹری کی سینئر اداکارہ بسنتی چیٹرجی بدھ کے روز 88 برس کی عمر میں انتقال کر گئیں۔ وہ طویل عرصے سے علیل تھیں اور کینسر کے مرض سے بہادری سے لڑ رہی تھیں۔ انتقال کے وقت وہ اپنے گھر پر تھیں۔

بسنتی چیٹرجی کا تعلق مغربی بنگال سے تھا۔ انہوں نے اپنے کیریئر کا آغاز 50 سال قبل تھیٹر سے کیا۔ بعد ازاں وہ فلموں اور ٹی وی ڈراموں میں بھی اپنی صلاحیتوں کا لوہا منواتی رہیں۔

انہوں نے 100 سے زائد فلموں میں اداکاری کی۔ ان کے لازوال کردار آج بھی شائقین کو یاد ہیں۔ ان کی آخری ٹی وی سیریل "گیتا ایل ایل بی” تھی، جس کی شوٹنگ کے دوران ان کی طبیعت مزید خراب ہو گئی تھی۔

ڈاکٹروں نے کچھ مہینے پہلے انھیں گھر پر آرام کا مشورہ دیا تھا۔ ان کی طبیعت میں بہتری نہ آ سکی۔ بدھ کے روز وہ خالق حقیقی سے جا ملیں۔

بسنتی چیٹرجی کی سادگی، فنی مہارت اور محنت کو ہر دور میں سراہا گیا۔ ان کی موت کی خبر نے فلمی دنیا، بنگالی فنکاروں اور مداحوں کو افسردہ کر دیا ہے۔

سینئر صحافیوں اور ساتھی اداکاروں نے ان کے انتقال پر گہرے دکھ کا اظہار کیا ہے۔ سوشل میڈیا پر انہیں "بنگال فلم انڈسٹری کا روشن چہرہ” قرار دیا جا رہا ہے۔

فلم انڈسٹری میں ان کی خدمات ہمیشہ یاد رکھی جائیں گی۔ ان کا کام نئی نسل کے لیے مشعل راہ ہے۔