لاہور میں فحش تقریب کا پردہ فاش؛ ماریہ بی کی ویڈیو نے سب کے ہوش اڑا دیے

پاکستان کی مشہور فیشن ڈیزائنر ماریہ بی نے لاہور میں ہونے والے ایک متنازعہ پروگرام کے خلاف سخت ردعمل دیا ہے۔ ان کا کہنا ہے کہ اس تقریب میں ہونے والے اقدامات نہ صرف غیر اخلاقی تھے بلکہ مذہبی اور سماجی اقدار کے بھی منافی تھے۔

ماریہ بی کے مطابق یہ پروگرام اگست کے مہینے میں لاہور میں منعقد ہوا۔ اس کی ویڈیوز انہیں براہِ راست کچھ بچوں نے بھیجیں۔ انہوں نے کہا کہ تقریب میں کئی افراد نے عجیب و غریب لباس پہن کر پرفارمنس دی۔ ڈیزائنر کے مطابق یہ سب کھلی فحاشی اور شیطانی طرز عمل کی مثال تھا۔

انہوں نے دعویٰ کیا کہ اس تقریب کو مقامی انتظامیہ سے اجازت ملی تھی۔ اس میں کچھ مرد فنکار خواتین کے لباس میں ڈریگ آرٹ پیش کر رہے تھے۔ ماریہ بی کے مطابق تقریب میں کچھ علامتیں اور نشانات بھی استعمال ہوئے، جیسے الٹی اردو تحریر اور چہروں پر تیسری آنکھ کا نشان، جنہیں انہوں نے دجالی اور شیطانی کہا۔

ان کا کہنا تھا کہ اس قسم کے پروگرام فن اور آرٹ کے نام پر پیش کیے جا رہے ہیں تاکہ ہم جنس پرستی اور غیر اسلامی نظریات کو عام کیا جا سکے۔ ماریہ بی نے حکومت کی ثقافتی پالیسی پر بھی سخت تنقید کی اور کہا کہ ایسے اقدامات نوجوان نسل کو گمراہ کرنے کے مترادف ہیں۔

انہوں نے مثال دیتے ہوئے فلم "جوئے لینڈ” کا ذکر کیا جس پر بھی اسی نوعیت کے الزامات لگے تھے لیکن پھر بھی اسے پنجاب میں نمائش کی اجازت دی گئی۔