رجب بٹ اور ایمان کے درمیان علیحدگی کی خبریں؛ ڈاکٹر عفان قیصر کا اہم بیان سامنے آگیا

معروف پاکستانی یوٹیوبر رجَب بٹ اور ایمان کی شادی گزشتہ سال بڑے شاندار انداز میں ہوئی تھی۔ شادی کو بہت شہرت ملی لیکن کچھ ہی عرصے بعد دونوں کے درمیان مسائل پیدا ہونا شروع ہوگئے۔

ان کے فیملی ولاگز میں بھی یہ سب کچھ صاف نظر آ رہا تھا۔ رجَب بٹ اس وقت قانونی مسائل کے باعث ملک سے باہر ہیں جبکہ ایمان پاکستان میں ہیں ۔

اسی صورتحال پر معروف اینالسٹ اور میڈیکل اسپیشلسٹ ڈاکٹر عفان قیصر نے اپنی رائے دی ہے۔ وہ نجی چینل کے پروگرام میں شریک ہوئے اور کہا کہ میاں بیوی کو چاہیے کہ اپنے مسائل خود حل کریں۔ وہ چاہیں تو ایک ساتھ ڈرائیو پر جائیں، ڈیٹ پر بیٹھیں یا کسی کمرے میں سکون سے بیٹھ کر بات چیت کریں۔ ڈاکٹر عفان کے مطابق، یہ مشورہ انہوں نے اس لیے دیا ہے کیونکہ یہ جوڑا عوامی نظر میں رہتا ہے۔

ڈاکٹر عفان نے مزید کہا کہ خاندان کے افراد کو ان معاملات میں شامل نہ کیا جائے۔ ایمان کے بھائی عون کو بھی ان کی جگہ بات نہیں کرنی چاہیے اور نہ ہی رجَب بٹ کی والدہ کو فیصلے کرنے چاہییں۔ ان کا کہنا تھا کہ جب خاندان بیچ میں آتا ہے تو تعلقات مزید بگڑ جاتے ہیں، اس لیے شوہر اور بیوی کو خود ہی مسائل حل کرنے چاہییں۔

ڈاکٹر عفان قیصر کا یہ مشورہ اس وقت دیا گیا ہے جب سوشل میڈیا پر اس جوڑے کے اختلافات کافی چرچے میں ہیں۔ عوام بھی ان کے تعلقات پر مسلسل بات کر رہی ہے اور دعا گو ہے کہ دونوں کے درمیان معاملات بہتر ہو سکیں۔