گھریلو ملازمہ سے اجتماعی زیادتی و تشدد، معروف پاکستانی اداکارہ گرفتار

گھریلو ملازمہ سے اجتماعی زیادتی و تشدد کے الزام پر معروف پاکستانی اداکارہ کو گرفتار کرلیا گیا۔

تفصیلات کے مطابق لاہور میں چودہ سالہ گھریلو ملازمہ پر تشدد اور اجتماعی زیادتی کے الزام پر اسٹیج اداکارہ ثمر رانا کو گرفتار کر لیا گیا۔

پولیس کے مطابق گھریلو ملازمہ سے زیادتی کا مقدمہ تھانہ نواب ٹاؤن میں درج ہوا، ثمر رانا کے گھر چودہ سالہ لڑکی کو پانچ افراد نے زیادتی کا نشانہ بنایا۔

اداکارہ ثمر رانا پر ملازمہ پر تشدد کرنے اور خوفزدہ کرنے کا الزام ہے، نامعلوم ملزمان لڑکی سے مبینہ زیادتی کی ویڈیوز بھی بناتے رہے۔

پولیس حکام نے کہا کہ واردات میں ملوث دیگر ملزمان کی گرفتاری کی کوششیں جاری ہیں۔