لاہور میں سیلاب کی تباہ کاریاں، گلوکارہ و اداکارہ عارفہ صدیقی کا گھر متاثر

لاہور کے علاقے چوہنگ کی ایک نجی ہاؤسنگ سوسائٹی میں دریائے راوی کا سیلابی پانی داخل ہونے کے نتیجے میں گلوکارہ و اداکارہ عارفہ صدیقی کا گھر بھی متاثر ہوا۔

اداکارہ نے پانی اترنے کے بعد اپنے گھر کی تازہ صورتحال کی فوٹیج سوشل میڈیا پر شیئر کی، جس میں دیکھا جاسکتا ہے کہ سیلابی پانی داخل ہونے سے گھریلو سامان بری طرح بکھر گیا ہے۔

ویڈیو میں عارفہ صدیقی اپنے شوہر کے ساتھ مل کر متاثرہ گھر کی صفائی کرتے ہوئے نظر آرہی ہیں۔

یاد رہے کہ گزشتہ دنوں دریائے راوی میں آنے والے شدید سیلاب کے باعث قریبی ہاؤسنگ سوسائٹیز زیرِ آب آگئی تھیں، جس سے کئی گھروں کو نقصان پہنچا۔