معروف اداکارہ 39 سال کی عمر میں پُر اسرار انداز میں ہلاک

امریکہ کی معروف اداکارہ اور رئیلٹی شو کی اسٹار کیلسے بیٹمین 39 سال کی عمر میں انتقال کر گئیں۔

امریکہ کی معروف اداکارہ اور رئیلٹی شو سے عالمی شہرت حاصل کرنے والی کیلسے بیٹمین 39 برس کی عمر میں دنیا سے رخصت ہو گئیں۔ ان کے اہلخانہ نے ان کی موت کی تصدیق کر دی ہے، تاہم موت کی وجوہات فی الحال واضح نہیں ہو سکیں۔

کیلسے بیٹمین کا تعلق امریکی ریاست یوٹاہ سے تھا اور انہوں نے 2009 میں وی ایچ ون (VH1) کے مشہور رئیلٹی شو راک آف لَو کے تیسرے اور آخری سیزن میں حصہ لیا تھا۔ اس شو میں کیلسے نے آخری نو امیدواروں میں جگہ بنائی تھی، مگر ساتویں قسط میں انہیں مقابلے سے باہر کر دیا گیا تھا۔ اس سیزن کے بعد یہ شو بند کر دیا گیا تھا۔

اداکارہ کی اچانک موت کی خبر نے ان کے مداحوں اور رئیلٹی شوز کے شائقین کو غمزدہ کر دیا ہے، جنہوں نے سوشل میڈیا پر انہیں خراج عقیدت پیش کیا ہے۔ کیلسے بیٹمین کی وفات ان کے فینز کے لیے ایک بڑا صدمہ ہے اور ان کی یادیں ہمیشہ زندہ رہیں گی۔