معروف پاکستانی اداکارہ پر سرعام تشدد

معروف پاکستانی اسٹیج اداکارہ اقراء پر تشدد اور فائرنگ کرکے دھمکایا گیا ہے۔

پاکستانی اسٹیج اداکارہ اقراء پر تھانہ باغبانپورہ کی حدود میں پنجابی تھیٹر میں تشدد اور فائرنگ کرکے دھمکانے کا واقعہ پیش آیا۔

اسٹیج آرٹسٹ اقراء کی مدعیت میں ملزم کے خلاف مقدمہ درج کرلیا گیا۔ ایف آئی آر کے مطابق ملزم نے تھیٹر کے دوران تھپڑ مارے، شور کرنے پر ملزم نے پستول نکال کر زمین پر فائر کیا،ملزم نے جان سے مارنے کی دھمکیاں دیں۔

اس حوالے سے ترجمان پولیس کا کہنا ہے کہ واقعہ میں ملوث ملزم کی گرفتاری کی کوششیں جاری ہیں۔