بھارت کے معروف اداکار چل بسے

مشہور بھارتی اداکار آشیش ورنگ کا انتقال ہو گیا ہے۔

بھارتی میڈیا کی رپورٹس کے مطابق آشیش ورنگ جمعہ کو دنیا سے رخصت ہو گئے، اور ان کی عمر 55 برس تھی۔ اگرچہ موت کی صحیح وجوہات تاحال سامنے نہیں آئیں، مگر بتایا جا رہا ہے کہ وہ کچھ عرصے سے علیل تھے۔

آشیش ورنگ نے بالی ووڈ کی متعدد معروف فلموں میں معاون کردار ادا کیے، جن میں ‘سوریا ونشی’، ‘مردانی’، ‘سمبا’، ‘سرکس’ اور ‘ایک ولن ریٹرنز’ شامل ہیں۔ خاص طور پر پولیس افسر کے کردار میں ان کی اداکاری کو شائقین اور ناقدین کی جانب سے خوب سراہا گیا۔

اداکار نے فلموں کے علاوہ مراٹھی ٹی وی ڈراموں اور اشتہارات میں بھی کام کیا۔ اپنے کیریئر کے دوران انہوں نے امیتابھ بچن، عامر خان، رانی مکھرجی، اجے دیوگن، اکشے کمار، کترینہ کیف، رنویر سنگھ اور ہدایت کار روہت شیٹی جیسے بڑے ناموں کے ساتھ کام کیا۔

 آشیش ورنگ کے اچانک انتقال کی خبر نے بھارتی فلم انڈسٹری اور ان کے مداحوں کو شدید صدمے میں مبتلا کر دیا ہے۔