ڈاکٹر نبیحہ کی بات پکی ہوگئی ، دوسری شادی کا اعلان

معروف ماہرِ نفسیات، سوشل میڈیا انفلوئنسر ڈاکٹر نبیحہ نے بات پکی ہونے کے بعد دوسری شادی کا اعلان کردیا۔

بے باک آرا اور متنازع بیانات کے باعث ڈاکٹر نبیحہ مختلف پلیٹ فارمز پر زیرِ بحث رہتی ہیں۔ لاہور میں بارشوں اور دریائے راو کے کنارے ان کے مبینہ گھر اوربیانات سے وہ ایک مرتبہ پھر سوشل میڈیا کی خبروں کی زینت بن گئیں۔

ڈاکٹر نبیحہ علی خان نے اپنے یوٹیوب چینل پر ایک انٹرویو کے دوران اپنی دوسری شادی سے متعلق اہم اعلان کیا ہے۔ انہوں نے بتایا کہ وہ منگنی کر چکی ہیں اور جلد ہی شادی کے بندھن میں بندھنے والی ہیں۔

ان کا کہنا تھا، میری شادی طے ہوچکی کچھ لوگ یہ افواہیں پھیلا رہے ہیں کہ میری دوسری شادی ہوچکی ہے، لیکن یہ درست نہیں۔ صرف بات پکی ہوئی ہے اور جلد شادی کروں گی۔

انھوں نے ایک عورت کی زندگی میں مرد کی اہمیت کو تسلیم کرتے ہوئے کہا کہ میرا ماننا ہے کہ عورت مکمل طور پر اکیلی زندگی نہیں گزار سکتی۔ ایک مرد کی ضرورت ہر عورت کو ہوتی ہے۔ عورت چاہے کتنی بھی بہادر ہو، اسے ایک مرد کا سہارا چاہیے۔

ان کے مطابق اس صورت میں مرد بھی عورت کو عزت اور محبت دے سکتا ہے چاہے اختلافات موجود ہوں۔ اگر عورت کے ساتھ کوئی اختلاف ہو تو اسے پیار کے ساتھ سمجھا کر دور کیا جاسکتا ہے وہ مان جائے گی۔