چاہت فتح علی خان کا خود پر انڈے پھینکے جانے کے واقعے پر ردعمل سامنے آگیا

WebDesk

12 ستمبر, 2025 10:44

Chahat Fateh Ali Khan Responds to Egg-Throwing Incident

منفرد گائیکی کے باعث شہرت حاصل کرنے والے معروف گلوکار چاہت فتح علی خان کا خود پر انڈے پھینکے جانے کے واقعے پر ردعمل سامنے آگیا ہے۔

سوشل میڈیا پر اپنی منفرد گائیکی اور دلچسپ انداز کے باعث شہرت حاصل کرنے والے معروف گلوکار و انٹرٹینر چاہت فتح علی خان نے حال ہی میں ایک وضاحتی بیان جاری کرتے ہوئے برطانیہ میں پیش آئے انڈے پھینکنے کے واقعے پر ردِ عمل دیا ہے۔ اپنے بیان میں انہوں نے اس افسوسناک واقعے پر ہمدردی کا اظہار کرنے والے مداحوں اور میڈیا نمائندگان کا شکریہ ادا کیا ہے۔

چند روز قبل ایک ویڈیو سوشل میڈیا پر وائرل ہوئی تھی جس میں دیکھا جا سکتا ہے کہ چاہت فتح علی خان برطانیہ میں سڑک کنارے ایک پروموشنل ویڈیو ریکارڈ کروا رہے تھے کہ اچانک چند نوجوان آئے اور ان کے سر پر انڈے مار کر موقع سے فرار ہوگئے۔ ویڈیو میں موقع پر موجود میڈیا نمائندگان اور دیگر افراد کو بھی دیکھا جا سکتا ہے، جنہوں نے اس واقعے کو کیمرے کی آنکھ میں محفوظ کیا۔

View this post on Instagram

A post shared by Irfan UL Haq (@irfan_views99)

تاہم اب ویڈیو پیغام میں چاہت فتح علی خان نے انکشاف کیا ہے کہ یہ واقعہ دراصل حالیہ دنوں میں پیش نہیں آیا بلکہ 19 جون کو پیش آیا تھا۔ انہوں نے بتایا کہ واقعے کے بعد دو سے تین ہفتوں تک انہیں مختلف نمبروں سے فون کالز موصول ہوتی رہیں، جن میں انہیں دھمکایا گیا اور طنزیہ جملے بھی کہے گئے، جن میں سب سے نمایاں جملہ تھا: "بدو بدی، چوٹ زیادہ تو نہیں لگی؟”

چاہت فتح علی خان نے کہا کہ ان کے پاس وہ تمام نمبرز محفوظ ہیں اور وہ انہیں جلد پولیس کے حوالے کریں گے، تاکہ ان افراد کو ان کے عمل کا احساس دلایا جا سکے۔

View this post on Instagram

A post shared by Chahat Fateh Ali Khan (@chahat_fateh_ali_khan)

واضح رہے کہ دنیا بھر میں مشہور شخصیات، سیاستدانوں اور عوامی نمائندوں کے ساتھ ایسے واقعات ماضی میں بھی پیش آ چکے ہیں، جنہیں بعض اوقات احتجاج یا ناپسندیدگی کے اظہار کے طور پر دیکھا جاتا ہے۔ تاہم کسی بھی شخص کو تضحیک کا نشانہ بنانا معاشرتی اور اخلاقی طور پر قابلِ مذمت عمل سمجھا جاتا ہے۔

سوشل میڈیا پر اس واقعے کی ویڈیو وائرل ہونے کے بعد بڑی تعداد میں صارفین نے نوجوانوں کے اس عمل کو شرمناک، غیر اخلاقی اور بچگانہ حرکت قرار دیتے ہوئے چاہت فتح علی خان سے ہمدردی کا اظہار کیا ہے۔