عائشہ عمر کے متنازع شو میں ایسا کیا ہے کہ پابندی کا مطالبہ اتنا زور پکڑگیا؟

پاکستان میں پہلی بار بننے والے ڈیٹنگ ریئلٹی شو لازوال عشق نے ابھی آغاز سے قبل ہی شدید تنازع کھڑا کردیا ہے۔

مشہور اداکارہ عائشہ عمر کی میزبانی میں یہ پروگرام 12 ستمبر کو یوٹیوب پر جاری کیے گئے ٹیزر کے بعد سے ہی زیر بحث ہے اور سوشل میڈیا پر اس کے خلاف سخت ردعمل سامنے آ رہا ہے۔

شو کی باضابطہ ریلیز تاریخ کا اعلان تو نہیں کیا گیا تاہم اس کے ٹیزر نے عوامی حلقوں میں شدید تنقید کو جنم دیا ہے

 

View this post on Instagram

 

A post shared by Ayesha Omar (@ayesha.m.omar)

 ناقدین کا کہنا ہے کہ یہ پروگرام پاکستانی اقدار اور روایات کے منافی ہے جبکہ کچھ افراد کے مطابق اس طرح کے شوز ملکی انٹرٹینمنٹ انڈسٹری کو جدید تقاضوں سے ہم آہنگ کرنے کے لیے ضروری ہیں۔

شو ایک پرتعیش حویلی میں فلمایا گیا ہے، جہاں چار نوجوان جوڑوں کو 100 دن تک ایک ہی چھت تلے رکھا جائے گا۔

وہ چوبیس گھنٹے کیمروں کی نگرانی میں رہیں گے، مختلف ٹاسک انجام دیں گے، ڈیٹس پر جائیں گے اور آخر میں انعام جیتنے کے لیے مقابلہ کریں گے۔ عائشہ عمر اس پروگرام کی میزبانی کریں گی۔