والد کے آخری لمحات کا وی لاگ بنانے پر تنقید؛ بیٹیوں نے اپنے دفاع میں کیا وجہ بتائی؟

لاہور سے تعلق رکھنے والی دو خواتین وی لاگرز کو اپنے والد کے آخری لمحات کی ویڈیو یوٹیوب پر شیئر کرنے پر شدید عوامی ردعمل کا سامنا ہے۔

 سوشل میڈیا صارفین نے ان کے اس عمل کو غیر اخلاقی، غیر حساس اور انسانی جذبات کی پامالی قرار دیا ہے، جس کے بعد وی لاگر بہنوں نے ایک وضاحتی ویڈیو بیان جاری کرتے ہوئے اپنے اقدام کا دفاع کیا۔

ویڈیو بیان میں دونوں خواتین نے بتایا کہ ان کے بھائی کام کے قابل نہیں، اور گھر کا واحد ذریعہ آمدن وہ خود ہیں۔ ان کا کہنا تھا کہ والد کے علاج اور روزمرہ اخراجات پورے کرنے کے لیے وہ یوٹیوب وی لاگز پر انحصار کر رہی تھیں۔ انہوں نے یہ بھی واضح کیا کہ یوٹیوب سے انہیں صرف چند ہزار روپے کی آمدنی ہوئی ہے، اس کے برعکس ان پر لگائے گئے لاکھوں یا کروڑوں کمانے کے الزامات بے بنیاد ہیں۔

 

View this post on Instagram

 

A post shared by laiba sid💜🥀🖤 (@zaha_shah.18)

تاہم سوشل میڈیا صارفین ان کی وضاحت سے مطمئن نہیں ہوئے۔ متعدد افراد نے اس اقدام کو ’افسوسناک‘ اور ’ریٹنگ کی دوڑ میں اقدار کی بے توقیری‘ قرار دیا۔ ایک صارف نے لکھا کہ "باپ کے جنازے کا وی لاگ بنا کر کمائی کی جا رہی ہے”، جب کہ رمل خان نے کہا کہ "یہ کوئی وضاحت نہیں، بلکہ ایک اور غلطی ہے۔”

 اسوہ خان کے مطابق وی لاگر بہنیں اب مظلومیت کا کارڈ کھیل رہی ہیں، جبکہ جویریہ نے تنقید کرتے ہوئے لکھا کہ "ہر چیز کی ایک حد ہوتی ہے، والد کے آخری لمحات کو وی لاگ بنانا نہ محنت ہے، نہ ہی مجبوری کا حل بلکہ یہ شہرت اور پیسے کی ہوس ہے۔”

سوشل میڈیا پر وائرل ویڈیو میں دیکھا جا سکتا ہے کہ خواتین نہ صرف والد کے قریب کیمرہ لے کر کھڑی ہیں بلکہ اس دوران چینل کو لائک اور سبسکرائب کرنے کی اپیل بھی کرتی نظر آتی ہیں، جبکہ ان کا انداز خاصا غیر سنجیدہ دکھائی دیتا ہے۔

عوامی حلقوں نے اس رویے کو شدید تنقید کا نشانہ بناتے ہوئے کہا ہے کہ انسانی دکھ، رشتوں اور جذبات کا اس طرح استحصال نہ صرف افسوسناک ہے بلکہ معاشرتی اقدار کے زوال کی علامت بھی ہے۔