طلاق کی خبریں؛ شعیب ملک اور ثنا جاوید نے خاموشی توڑدی

پاکستانی کرکٹ اسٹار شعیب ملک اور اداکارہ ثنا جاوید نے سوشل میڈیا پر اپنی علیحدگی کی افواہوں کو مسترد کرتے ہوئے خوشگوار لمحات کی تصاویر شیئر کی ہیں۔

کرکٹ اسٹار شعیب ملک اور اداکارہ ثنا جاوید نے انسٹاگرام پر فلوریڈا کے یونیورسل سٹوڈیوز کی تصاویر پوسٹ کی ہیں، جن میں وہ مختلف مقامات پر محبت بھرے لمحات گزارتے نظر آئے۔ تصاویر میں شعیب ملک اور ثنا جاوید کو سکو بی ڈو، ٹرانسفارمرز روبوٹس کے سامنے اور ریونج آف دی ممی رائیڈ جیسے مختلف رائیڈز کے ساتھ خوشگوار وقت گزارے ہوئے دیکھا جا سکتا ہے۔

 

View this post on Instagram

 

A post shared by Shoaib Malik (@realshoaibmalik)

ان تصاویر کے بعد مداحوں نے خوشی کا اظہار کیا اور اس بات پر اطمینان کا اظہار کیا کہ یہ جوڑی اب بھی ایک ساتھ ہے اور خوشگوار زندگی گزار رہی ہے۔ تاہم، کچھ صارفین نے حیرت کا اظہار کیا کہ بھارتی میڈیا اب بھی ان کے تعلقات میں اختلافات کی خبریں نشر کر رہا ہے۔

شعیب ملک اور ثنا جاوید کے درمیان علیحدگی کی افواہیں اس وقت پھیلیں جب ایک ویڈیو سوشل میڈیا پر وائرل ہوئی، جس میں دونوں کو ایک تقریب میں الگ الگ بیٹھے اور ایک دوسرے سے لاتعلق دیکھا گیا۔ اس ویڈیو کو مداحوں نے ان کے تعلقات میں دراڑ کی علامت قرار دیا، جس کے بعد علیحدگی کی خبریں زور پکڑ گئیں۔

شعیب ملک نے ٹینس اسٹار ثانیہ مرزا سے علیحدگی کے فوراً بعد جنوری 2024 میں ثنا جاوید سے شادی کی تھی۔ شعیب ملک کی پہلی شادی عائشہ صدیقی سے ہوئی تھی جو آٹھ سال تک قائم رہی، جبکہ 2010 میں انہوں نے ثانیہ مرزا سے شادی کی تھی، جس سے 2018 میں بیٹے اذہان مرزا ملک کی پیدائش ہوئی، مگر یہ رشتہ 2024 میں ختم ہو گیا۔

ثنا جاوید نے اپنی خوبصورتی اور دلکش مسکراہٹ کے باعث فلموں اور ڈراموں میں ماڈلنگ اور اداکاری کے شعبے میں نمایاں مقام حاصل کیا ہے۔