خوبصورتی کے انجیکشن نے معروف اداکارہ کی جان لے لی

امریکی عدالت نے بغیر لائسنس بیوٹیشن کو مشہور اداکارہ سِنڈیانا سینٹانجلو کی موت کا ذمہ دار قرار دے دیا ہے۔

اداکارہ سِنڈیانا سینٹانجلو، جو 58 سال کی تھیں، 24 مارچ کو خوبصورت اور جوان نظر آنے کے لیے سلیکون انجیکشن لگوا رہی تھیں۔ یہ انجیکشن ایک بیوٹیشن نے لگایا تھا جس کا کوئی طبی لائسنس نہیں تھا۔

انجیکشن لگوانے کے فوراً بعد اداکارہ کی صحت خراب ہو گئی۔ بتایا جاتا ہے کہ انہیں ایمبولزم یعنی خون میں لوتھڑے بننے کی پیچیدگی ہوگئی، جو ان کی موت کا باعث بنی۔

امریکی عدالت نے 55 سالہ بیوٹیشن لیبی ایڈمے کو مجرم قرار دیا ہے، جنہیں انڈسٹری میں ’’بٹ لیڈی‘‘ کے نام سے جانا جاتا ہے۔ لیبی ایڈمے کے خلاف پہلے بھی 2019 میں اسی نوعیت کا کیس تھا اور وہ سزا یافتہ ہیں، اب عدالت انہیں قتل اور غیر قانونی طبی پریکٹس کے الزام میں مزید سزا 5 نومبر کو سنائے گی۔

سِنڈیانا سینٹانجلو نے ٹی وی سیریز "Married… with Children” سے شہرت حاصل کی تھی۔ ان کا شوبز میں آغاز 1989 میں میوزک ویڈیو "Bust a Move” سے ہوا تھا۔

یاد رہے کہ بھارت میں بھی ایک معروف اداکارہ شیفالی کا انتقال اسی طرح کے بیوٹی انجیکشن کے بعد ہوا تھا۔ ان کی حالت انجیکشن کے فوراً بعد خراب ہو گئی تھی اور اسپتال لے جانے کے باوجود وہ بچ نہیں سکیں۔