حجاب کرنے پر بھارتی اداکارہ دیپیکا پڈوکون کو تنقید کا سامنا کرنا پڑگیا

بھارتی فلم انڈسٹری کی مشہور اداکارہ دیپیکا پڈوکون ایک بار پھر سوشل میڈیا پر ہائپ مل گئی۔ اس بار اس کی وجہ بنا عبایا جو انھوں ںے ایک تشہیری ویڈیو میں ابوظبی میں پہنا۔

سوشل میڈیا پر وائرل ہونے والی یہ ویڈیو ابوظبی کے محکمہ ثقافت و سیاحت کے اشتراک سے جاری کی گئی جس میں دیپیکا اپنے شوہر رنویر سنگھ کے ساتھ برانڈ ایمبیسیڈر کے طور پر نظر آئیں۔ اس ویڈیو میں دونوں کو لُووَر ابوظبی میوزیم اور شیخ زید گرینڈ مسجد کی سیر کرتے دکھایا گیا۔

 

View this post on Instagram

 

A post shared by Ranveer Singh (@ranveersingh)

میوزیم اور مسجد میں لی گئی جھلکیوں میں دیپیکا عنابی رنگ کے عبائے میں نظر آئیں، تاہم اکھنڈ بھارتیوں کو ان کا حجاب پہننا ناگوار گزرا اور صلے میں تنقید ملی۔ بقول بھارتی تنقید کاروں کے دیپیکا اپنے’آزادی رائے‘ کے خلاف گئی ہیں۔

تاہم کچھ مداحوں نے واضح کیا کہ یہ عبایا تھا، جو مسجد میں داخلے کے وقت خواتین کے لیے مناسب لباس سمجھا جاتا ہے اور حجاب کرنا عرب ثقافت کا بھی حصہ ہے۔

کچھ صارفین نے ان کی 2015ء کی مختصر فلم ’مائی چوائس‘ کا حوالہ دیتے ہوئے طنز کیا، جبکہ ان کے حامیوں نے کہا کہ دیپیکا نے صرف مقامی روایات کا احترام کیا ہے۔

یاد رہے کہ یہ پہلا موقع نہیں کہ اداکارہ مذہبی یا ثقافتی مقامات پر روایتی لباس میں دکھائی دی ہیں۔ اس سے قبل بھی وہ اور رنویر مختلف مندروں اور گوردواروں میں مذہبی رسومات کے دوران روایتی ملبوسات میں نظر آچکے ہیں۔