اداکار مصطفیٰ کراچی کی کھدی ہوئی سڑک میں گر گئے، ٹانگ کو بڑا نقصان

کراچی: پاکستانی فلم انڈسٹری کے ممتاز اداکار مصطفیٰ قریشی کی کراچی میں واک کے دوران ٹوٹی سڑک کے باعث گر کر ٹانگ ٹوٹ گئی۔

تفصیلات کے مطابق 700 سے زائد فلموں میں اداکاری کے جوہر دکھانے والے مصطفیٰ قریشی کا کہنا ہے کہ وہ صبح کے وقت واک کر رہے تھے، جب کھدی ہوئی سڑک میں ان کا پاؤ پھنس گیا۔

مصطفیٰ قریشی نے بتایا کہ پیر پھنس جانے کی وجہ سے وہ بری طرح گرے، سر فٹ پاتھ سے ٹکرایا، آنکھ بچ گئی لیکن  ٹانگ ٹوٹ گئی۔

ایک بیان میں مصطفیٰ قریشی نے کہا کہ اللہ حکمرانوں کو عقل دے کہ وہ شہر کی سڑکیں بنا دیں۔ خاندانی ذرائع کے مطابق ڈاکٹرز نے مصطفیٰ قریشی کو 6 ہفتے آرام کامشورہ دیا ہے۔