صبا قمر کے بعد عفت عمر بھی بحث میں شامل، کراچی کو "گندا شہر” قرار دے دیا
Iffat Omar Joins Saba Qamar Debate, Calls Karachi a “Dirty City”
اداکارہ عفت عمر کے کراچی سے متعلق تبصرے کے بعد سوشل میڈیا پر نئی بحث شروع ہوگئی ہے۔
ان کا بیان اس وقت سامنے آیا جب اداکارہ صباقمر کراچی میں رہنے کے حوالے سے اپنے موقف پر تنقید کا سامنا کر رہی تھیں۔
حال ہی میں ایک پوڈکاسٹ میں صباقمر نے کہا تھا کہ وہ صرف کام کے لیے کراچی آتی ہیں اور کبھی مستقل طور پر یہاں نہیں رہ سکتیں۔ جب ان سے پوچھا گیا کہ کیا وہ کراچی میں رہنے کا تصور کر سکتی ہیں تو انہوں نے جواب دیا: ’’استغفراللہ‘‘۔ اس بیان پر سوشل میڈیا پر سخت ردعمل سامنے آیا اور صارفین نے انہیں کراچی کی توہین کا الزام دیا۔
اسی دوران عفت عمر نے سوشل میڈیا پلیٹ فارم ایکس (پہلے ٹوئٹر) پر صباقمر سے متعلق ایک پوسٹ شیئر کی اور لکھا کہ کسی کو بھی زبردستی کسی شہر کو پسند کروایا نہیں جا سکتا۔
ساتھ ہی انہوں نے یہ بھی لکھا کہ ’’کراچی گندا شہر ہے‘‘، جس کے بعد کراچی کے شہریوں اور صارفین کی بڑی تعداد نے ان کے بیان پر اعتراض کیا۔
Catch all the انٹرٹینمنٹ News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.










