کترینہ کیف کی نجی تصاویر سوشل میڈیا پر وائرل
WebDesk
01 نومبر, 2025 13:12
Katrina Kaif's private photos go viral on social media
بالی ووڈ کی معروف اداکارہ کترینہ کیف ایک بار پھر خبروں کی زینت بن گئی ہیں۔
بھارتی میڈیا کے مطابق ایک آن لائن میڈیا پورٹل نے اداکارہ کترینہ کیف کی کچھ نجی تصاویر شیئر کی ہیں، جن میں وہ اپنے ممبئی کے اپارٹمنٹ کی بالکونی میں نظر آ رہی ہیں۔
ان تصاویر میں کترینہ کیف کو ڈھیلے کپڑوں میں دیکھا جا سکتا ہے، جس سے قیاس کیا جا رہا ہے کہ وہ اس وقت تین ماہ کی حاملہ ہو سکتی ہیں۔ ان تصاویر کے وائرل ہونے کے بعد سوشل میڈیا پر مختلف ردِعمل دیکھنے کو ملے ہیں۔
کچھ صارفین نے ان کی پرائیویسی کی خلاف ورزی پر غم و غصہ ظاہر کیا اور اس پر شدید تنقید کی۔ کئی لوگوں نے مطالبہ کیا کہ ایسی ذاتی نوعیت کی تصاویر شیئر کرنے والوں کے خلاف قانونی کارروائی کی جائے۔
اداکارہ سوناکشی سنہا نے بھی اس تصویر کے وائرل ہونے پر شدید برہمی کا اظہار کیا اور کہا کہ اس طرح کی ذاتی تصاویر کو سوشل میڈیا پر شیئر کرنا اخلاقی طور پر غلط ہے۔
یاد رہے کہ کترینہ کیف اور ان کے شوہر اداکار وکی کوشل نے حال ہی میں انسٹاگرام پر ایک پوسٹ کے ذریعے مداحوں کو خوشخبری دی تھی۔ انہوں نے تصدیق کی تھی کہ ان کے ہاں جلد ننھے مہمان کی آمد متوقع ہے۔ اس اعلان کے بعد کترینہ کیف کی حاملہ ہونے کی افواہیں زور پکڑ گئیں۔
Catch all the انٹرٹینمنٹ News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
