فیروز خان اور ڈاکٹر زینب کے درمیان علیحدگی ہو گئی؟ اہلیہ نے حقیقت بتا دی
WebDesk
03 نومبر, 2025 11:51
Actor Feroz Khan has also separated from his second wife?
اداکار فیروز خان اور ان کی اہلیہ ڈاکٹر زینب کے درمیان علیحدگی کی خبروں نے گزشتہ روز سوشل میڈیا پر کافی ہلچل مچائی۔ تاہم ڈاکٹر زینب نے ان خبروں کی سختی سے تردید کرتے ہوئے واضح کیا کہ یہ تمام دعوے جھوٹے اور بے بنیاد ہیں۔
ڈاکٹر زینب نے اپنی انسٹاگرام اسٹوری پر سوشل میڈیا پر گردش کرنے والی جعلی پوسٹ کا اسکرین شاٹ شیئر کیا اور کہا کہ انہوں نے ایسی کوئی اسٹوری شیئر نہیں کی۔ ان کا کہنا تھا کہ ان سے منسوب مواد غلط ہے اور چند پیجز جان بوجھ کر جھوٹی خبریں پھیلا رہے ہیں۔
انہوں نے عوام سے اپیل کی کہ ایسے غیر مصدقہ پیجز اور اکاؤنٹس پر یقین نہ کریں اور انہیں رپورٹ کریں، کیونکہ اس طرح کی افواہیں لوگوں کی زندگی میں ذہنی پریشانی اور بے چینی کا باعث بنتی ہیں۔
واضح رہے کہ سوشل میڈیا پر یہ دعویٰ کیا جا رہا تھا کہ ڈاکٹر زینب نے شادی ختم کرنے کا فیصلہ کر لیا ہے۔ تاہم اب ان کی وضاحت کے بعد ان خبروں کی تردید ہو گئی ہے۔
فیروز خان اور ڈاکٹر زینب نے جون 2024 میں شادی کی تھی۔ یہ فیروز خان کی دوسری شادی ہے۔ اس سے قبل ان کی پہلی شادی علیزے سلطان سے ہوئی تھی جو 2022 میں طلاق پر ختم ہوئی۔
ڈاکٹر زینب نے سوشل میڈیا صارفین کو یاد دلایا کہ کسی کی ذاتی زندگی کے بارے میں افواہیں پھیلانا نہ صرف غیر اخلاقی ہے بلکہ اس سے متاثرہ خاندان کی زندگی پر بھی برا اثر پڑتا ہے۔
Catch all the انٹرٹینمنٹ News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
