بیٹے کے ناجائز تعلقات پر افسوس ہے، لیکن ماضی سب کا ہوتا ہے؛ رجب بٹ کی والدہ کا بیان

پاکستان کے معروف یوٹیوبر اور سوشل میڈیا انفلوئنسر رجب بٹ ایک بار پھر تنازعات کا شکار ہوگئے ہیں۔

ان کے سوشل میڈیا پر کی جانے والی سرگرمیاں، لگژری لائف اسٹائل اور متنازع ویڈیوز نے انہیں شہرت تو دلائی، مگر اس کے ساتھ ہی انہیں تنقید کا بھی سامنا ہے۔

رجب بٹ کی یوٹیوب چینل پر 82 لاکھ سے زائد سبسکرائبرز اور انسٹاگرام پر 27 لاکھ سے زیادہ فالوورز ہیں، اور انہوں نے 2024 میں ایمان بٹ سے شادی کی تھی، جن سے 2025 میں ان کے پہلے بچے کی پیدائش ہوئی تھی۔

حال ہی میں رجب بٹ پر پاکستان میں بیٹنگ ایپس کے فروغ کے الزامات عائد کیے گئے، جس کے بعد وہ برطانیہ منتقل ہوگئے۔ لیکن اس دوران کئی خواتین نے ان پر یہ الزام بھی عائد کیا کہ ان کے رجب بٹ کے ساتھ ناجائز تعلقات تھے، جن میں سے کچھ تعلقات شادی کے بعد بھی جاری رہے۔

اس معاملے پر رجب بٹ کی والدہ نے اپنے بیٹے کا دفاع کرتے ہوئے ایک بیان دیا جس میں انہوں نے کہا کہ مجھے بھی دکھ ہوا جب میں نے اس کا ولاگ دیکھا اور اس نے اپنے تعلقات کا اعتراف کیا۔ میں افسردہ تھی، لیکن میں جانتی ہوں کہ ہر انسان کا ماضی ہوتا ہے، اور خاص طور پر لڑکوں کا۔

انہوں نے مزید کہا کہ ہمیں ان لوگوں کو معاف کردینا چاہیے جو سچے دل سے اللہ سے توبہ کرتے ہیں، کیونکہ اللہ بہت مہربان ہے اور خلوص دل سے توبہ کرنے والوں کو معاف کردیتا ہے۔

رجب بٹ کی والدہ کے اس دفاعی بیان نے سوشل میڈیا پر مختلف ردعمل پیدا کیے۔

بعض لوگوں نے اس کو ایک روایتی اور فہمی ماں کا رویہ قرار دیا جو اپنے بیٹے کی غلطیوں کو نظر انداز کرتی ہے، جبکہ دیگر نے اسے ایک جذباتی دفاع سمجھا جو کسی بھی صورت میں مناسب نہیں۔