شعیب ملک اور ثنا جاوید کے درمیان علیحدگی کی خبریں؟ بڑی حقیقت سامنے آگئی

قومی کرکٹ ٹیم کے سابق کپتان شعیب ملک اور معروف اداکارہ ثنا جاوید کے درمیان علیحدگی کی خبر کی حقیقت سامنے آگئی ہے۔

پاکستان کرکٹ ٹیم کے سابق کپتان شعیب ملک اور معروف اداکارہ ثنا جاوید کی شادی کے بارے میں گزشتہ دنوں میں کئی افواہیں گردش کر رہی تھیں۔ ان افواہوں میں کہا جا رہا تھا کہ دونوں میں علیحدگی ہو گئی ہے، تاہم حالیہ وائرل ہونے والی تصاویر نے ان تمام قیاس آرائیوں کو مسترد کر دیا ہے۔

گزشتہ کچھ دنوں سے شعیب اور ثنا جاوید کی علیحدگی کی خبریں میڈیا کی زینت بنی ہوئی تھیں۔ ان کی سوشل میڈیا پوسٹس میں دونوں کو علیحدہ علیحدہ دیکھا جا رہا تھا، جس نے مداحوں کو کشمکش میں مبتلا کر دیا تھا۔ بعض سوشل میڈیا صارفین کے مطابق شعیب اور ثنا کی وہ کیمسٹری بھی حالیہ دنوں میں کم ہو گئی تھی، جو کبھی اس جوڑے کا خاصہ تھی۔ ان تصاویر اور پوسٹس کے بعد کئی لوگوں نے یہ سوچنا شروع کر دیا تھا کہ دونوں کے درمیان کچھ نہ کچھ مسائل ہیں۔

اس پراسرار خاموشی اور دوری کے بعد سوشل میڈیا پر مختلف اندازے لگائے جا رہے تھے، اور ان کی علیحدگی کے بارے میں باتیں ہو رہی تھیں۔ تاہم، گزشتہ رات شعیب ملک اور ثنا جاوید کی چند نئی تصاویر وائرل ہوئیں جنہوں نے تمام افواہوں کو ختم کر دیا۔

ان تصاویر میں شعیب ملک اور ثنا جاوید کو ایک ساتھ خوشگوار موڈ میں دیکھا جا سکتا ہے۔ دونوں اپنے کسی دوست اور اس کی اہلیہ کے ساتھ موجود ہیں، اور ان تصاویر میں دونوں کی مسکراہٹیں واضح طور پر نظر آ رہی ہیں۔ اس سے یہ ثابت ہوتا ہے کہ دونوں کے درمیان سب کچھ ٹھیک ہے اور ان کے رشتہ میں کوئی ایسی بات نہیں جو افواہوں کا سبب بنی ہو۔