فلرٹ رینکنگ میں کس کا نام سب سے اوپر؟ مہوش حیات نے بتا دیا!

پاکستانی فلم و ڈرامہ انڈسٹری کی مقبول اداکارہ مہوش حیات کی ایک تازہ ویڈیو سوشل میڈیا پر وائرل ہو رہی ہے، جس میں وہ ہمایوں سعید سمیت مشہور اداکاروں کے حوالے سے مزاحیہ انداز میں گفتگو کرتی نظر آتی ہیں۔

مہوش حیات اس وقت ہیوسٹن میں جاری پاکستان سلیبرٹی کرکٹ لیگ (PCCL) میں شریک ہیں، جہاں مداحوں سے ملاقات کے دوران ایک پرستار نے ان سے فلرٹنگ ریٹ کے بارے میں سوال داغ دیا۔

اداکارہ نے مسکراتے ہوئے بتایا کہ ہمایوں سعید کو روایتی معنوں میں "فلرٹ” کہنا درست نہیں ہوگا، تاہم ان کی بذلہ سنجی اور خوشگوار مزاج انہیں ہر محفل کا چہیتا بنا دیتے ہیں۔

انہوں نے مزید بتایا کہ جب وہ اور ہمایوں سعید ڈائریکٹر ندیم بیگ کے ساتھ کام کر رہے ہوتے ہیں تو سیٹ پر اکثر ایک مزاحیہ مقابلہ سا چل پڑتا ہے کہ ’مہوش کا سب سے قریبی کون؟‘

مہوش حیات نے واضح کیا کہ وہ اپنے تمام کو اسٹارز کو خاندانی دوستوں جیسا سمجھتی ہیں اور شادی شدہ ساتھی اداکاروں کے ساتھ ان کا تعلق ہمیشہ پروفیشنل اور احترام پر مبنی ہوتا ہے۔

تاہم ندا یاسر نے اصرار کرتے ہوئے پوچھا کہ اگر فلرٹنگ ریٹنگ دینی پڑ جائے تو فہرست میں کس اداکار کا نمبر سب سے اوپر ہوگا؟ اس پر مہوش نے ہنستے ہوئے بتایا پہلا نمبر ہمایوں سعید، دوسرا نمبر احسن خان جبکہ تیسرا نمبر فہد مصطفیٰ۔

اظفر رحمان کے بارے میں انہوں نے کہا کہ وہ پرانے دوست ہیں، اس لیے وہ فلرٹ والی کیٹیگری میں نہیں آتے۔

گفتگو کے دوران ندا یاسر نے کھانے سے متعلق بھی ایک سوال کیا کہ مہوش کی پسندیدہ ڈش کیا ہے؟

ایک خاتون مداح نے فوراً جواب دیا “بریانی”، جس پر مہوش نے قہقہہ لگاتے ہوئے کہا کہ “آپ واقعی میری سچی والی فین ہیں!”