معروف ٹک ٹاکر نے خودکشی کرلی

سندھ کے شہر خیرپور کے رہائشی ٹک ٹاکر عمیر عباسی نے اپنی زندگی کا خاتمہ کر لیا۔

پولیس کے مطابق 25 سالہ عمیر نے اپنے کپڑوں کی دکان میں گولی مار کر خودکشی کی۔

پولیس نے بتایا کہ عمیر عباسی نے خودکشی سے قبل ایک ویڈیو بھی ریکارڈ کی تھی، جس میں انہوں نے بلیک میلنگ اور ہراساں کیے جانے کی بات کی۔

ویڈیو میں عمیر نے بتایا کہ وہ اس دباؤ کی وجہ سے یہ اقدام کر رہے ہیں۔

پولیس نے لاش کا پوسٹ مارٹم کر کے اسے ورثاء کے حوالے کر دیا ہے اور مزید تحقیقات جاری ہیں تاکہ خودکشی کی وجوہات کا تعین کیا جا سکے۔