لیجنڈری اداکارہ طویل علالت کے بعد انتقال کرگئیں

معروف ہالی ووڈ فلم ’دی کراٹے کڈ‘ میں اپنی اداکاری سے پہچان بنانے والی اداکارہ ہیلن سف 88 برس کی عمر میں انتقال کر گئی ہیں۔

اداکارہ ہیلن سف کافی عرصے سے علیل تھیں۔ لاس اینجلس کے ایک اسپتال میں ان کا علاج جاری تھا۔ حالیہ دنوں میں ان کا ایک آپریشن ہوا، جس کے بعد پیدا ہونے والی پیچیدگیوں کے باعث وہ جانبر نہ ہو سکیں۔

ہیلن سف کے اہلِ خانہ کے مطابق وہ ایک نہایت محنتی، خوش مزاج اور بااصول خاتون تھیں۔ وہ اپنے کام کو ہمیشہ سنجیدگی سے لیتی تھیں۔ ان کا کہنا تھا کہ کردار چاہے کتنا ہی مختصر کیوں نہ ہو، اسے دل سے ادا کرنا چاہیے۔ اسی سوچ نے انہیں شوبز انڈسٹری میں ایک باوقار مقام دلایا۔

ہیلن سف نے اپنے طویل فنی کیریئر میں کئی یادگار فلموں میں کام کیا۔ ’دی کراٹے کڈ‘ کے علاوہ وہ مشہور فلم ’راکی‘ اور ’ہیل سیزر‘ میں بھی نظر آئیں۔ ان کے کردار سادہ مگر اثر انگیز ہوتے تھے، جنہیں ناظرین نے ہمیشہ سراہا۔