اداکارہ نادیہ خان کو بیٹے کے ساتھ بھارتی گانے پر ڈانس کرنا مہنگا پڑگیا

پاکستان کی سینئر اداکارہ اور ٹی وی میزبان نادیہ خان ایک بار پھر سوشل میڈیا پر تنقید کی زد میں آ گئی ہیں۔ اس بار وجہ ایک خاندانی تقریب میں بنائی گئی ڈانس ویڈیو بنی ہے، جو انہوں نے اپنے انسٹاگرام اکاؤنٹ پر شیئر کی۔

 

View this post on Instagram

 

A post shared by Nadia Khan (@outstylewithnadia)

یہ ویڈیو حال ہی میں ہونے والی ایک مہندی کی تقریب کی ہے، جس میں نادیہ خان اپنے بیٹے کے ساتھ بھارتی فلمی گانے "سینوریٹا” پر رقص کرتی نظر آ رہی ہیں۔ تقریب میں نادیہ خان نے نیلے رنگ کا لباس پہنا ہوا تھا، جبکہ ان کے بیٹے نے سادہ سیاہ لباس زیب تن کیا۔

ویڈیو سامنے آنے کے بعد سوشل میڈیا پر مختلف آرا دیکھنے میں آئیں۔ کچھ صارفین نے اسے ایک عام خاندانی لمحہ قرار دیا، تاہم بڑی تعداد میں صارفین نے بھارتی گانے پر ڈانس کرنے پر سوالات اٹھائے۔

تنقید کرنے والوں کا کہنا ہے کہ نادیہ خان کا یہ عمل ان کے سابقہ بیانات سے مطابقت نہیں رکھتا۔ یاد رہے کہ حال ہی میں نادیہ خان نے گلوکار طلحہ انجم پر بھارتی پرچم سے متعلق معاملے پر سخت تنقید کی تھی، جس پر انہیں شوبز شخصیات اور عوامی حلقوں کی جانب سے ردعمل کا سامنا کرنا پڑا تھا۔

سوشل میڈیا صارفین کے مطابق نادیہ خان کے بیانات اور حالیہ عمل میں تضاد پایا جاتا ہے۔ اس معاملے پر نادیہ خان کی جانب سے تاحال کوئی باقاعدہ وضاحت سامنے نہیں آئی۔