اداکار بلال عباس کی مسجدِ نبوی ﷺ میں قرآن کی تلاوت کرتے ویڈیو وائرل

معروف اداکار بلال عباس کی مسجدِ نبوی ﷺ میں عبادت اور قرآن کی تلاوت کرتے ہوئے ایک ویڈیو سوشل میڈیا پر وائرل ہو گئی ہے۔

ویڈیو میں بلال عباس کو مسجد کے اندر پرسکون انداز میں بیٹھا دیکھا جا سکتا ہے، جہاں وہ قرآن پڑھ رہے ہیں۔ اداکار نے اس دوران ماسک بھی پہنا ہوا تھا۔

یہ لمحہ کسی ایک شخص نے ریکارڈ کیا اور سوشل میڈیا پر شیئر کیا، جس نے تیزی سے مداحوں کی توجہ حاصل کی۔

بلال عباس اس وقت مقبول ڈرامے میری زندگی ہے تو میں "کامیار” کے کردار میں جلوہ گر ہیں، جہاں ان کی جذباتی اداکاری نے ناظرین کو محظوظ کیا۔ اس کے علاوہ وہ ڈراموں دمپخت آتش، چیخ اور عشق مرشد میں اپنی گہری اور نفیس اداکاری کی وجہ سے مداحوں میں مقبول ہیں۔

مداحوں نے ان کی عاجزی اور لگن کی کھل کر تعریف کی اور ویڈیو کو بڑے پیمانے پر شیئر کیا۔