کھجور اور دودھ ساتھ کھانے کے حیرت انگیز فوائد جان کر آپ دنگ رہ جائیں گے

دودھ اور کھجور دونوں قدرتی اور صحت بخش غذائیں ہیں جو نہ صرف ذائقے میں لذیذ ہوتی ہیں بلکہ جسم کے لیے کئی اہم فوائد بھی فراہم کرتی ہیں۔

 یہ دونوں غذائیں اگر مناسب مقدار میں ایک ساتھ کھائی جائیں تو یہ جسم کو توانائی، مضبوط ہڈیاں، بہتر ہاضمہ اور اچھی صحت فراہم کرنے میں مددگار ثابت ہوتی ہیں۔

دودھ کے ساتھ کھجور کھانے کے فائدے

فوری توانائی

کھجور میں قدرتی شکر کی مقدار زیادہ ہوتی ہے جو فوراً جسم کو توانائی فراہم کرتی ہے۔ دودھ میں موجود پروٹین اور چکنائی اس توانائی کو دیر تک برقرار رکھتے ہیں۔ یہی وجہ ہے کہ روزہ افطار کرتے وقت دودھ اور کھجور کا استعمال بہترین سمجھا جاتا ہے۔

بہتر ہاضمہ

کھجور میں فائبر کی مقدار کافی زیادہ ہوتی ہے جو نظامِ ہضم کو بہتر بناتی ہے اور قبض کے مسائل کو حل کرنے میں مدد دیتی ہے۔ جب دودھ کے ساتھ کھائی جائے تو یہ فائدہ مزید بڑھ جاتا ہے اور ہاضمہ مزید بہتر ہوتا ہے۔

ہڈیوں اور دانتوں کے لیے مفید

دودھ میں کیلشیئم ہوتا ہے جو ہڈیوں کی مضبوطی کے لیے ضروری ہے، جبکہ کھجور میں میگنیشیم پایا جاتا ہے جو ہڈیوں کی صحت کے لیے مفید ہے۔ دونوں کا ملاپ ہڈیوں اور دانتوں کی صحت کے لیے بہت فائدے مند ثابت ہوتا ہے۔

دل اور دماغ کے لیے اچھا

کھجور میں اینٹی آکسیڈنٹس کی بڑی مقدار پائی جاتی ہے جو دل کی صحت کو بہتر بناتی ہے اور دماغی تھکن کو کم کرتی ہے۔ دودھ میں موجود غذائیت دماغ کو توانائی فراہم کرتی ہے اور اسے بہتر طریقے سے کام کرنے میں مدد دیتی ہے۔

قوتِ مدافعت میں اضافہ

دودھ اور کھجور دونوں جسم کے مدافعتی نظام کو مضبوط کرتی ہیں جس سے جسم بیماریوں سے بچا رہتا ہے اور طاقت ملتی ہے۔

استعمال کا بہترین طریقہ

صبح ناشتے میں یا ورزش کے بعد دودھ کے ساتھ ایک یا دو کھجوریں کھائی جا سکتی ہیں۔

روزے کے دوران افطار میں کھجور کھانے کے کچھ منٹ بعد دودھ پی سکتے ہیں۔

اگر اسموتھی بنانا چاہتے ہیں تو دودھ، دو کھجوریں، ایک موزہ اور تھوڑی سی دار چینی ملا کر بلینڈ کر لیں۔

احتیاطی تدابیر

کھجور قدرتی طور پر میٹھی ہوتی ہیں، اس لیے ذیابیطس کے مریضوں یا بلڈ شوگر کو کنٹرول کرنے والوں کو احتیاط برتنی چاہیے۔ وزن کم کرنے والوں کے لیے بھی اعتدال ضروری ہے۔ دودھ سے الرجی یا لیکٹوز کے مسئلے کی صورت میں بادام، سویا یا اوٹس ملک بہتر متبادل ہو سکتے ہیں۔