سندھ حکومت کا 25 ایکڑ تک والے کاشتکاروں کو گندم کے بیج کی سبسڈی رقم دینے کا فیصلہ

کراچی : سندھ حکومت نے عید کے بعد دوسرے فیز میں 25 ایکڑ تک والے کاشتکاروں کو گندم کے بیج کی سبسڈی رقم دینے کا فیصلہ کرلیا۔

مشیر زراعت منظور وسان نے کہا ہے کہ ساڑھے 12 ایکڑ تک والے کاشتکاروں کو بیج سبسڈی فراہمی کی رقم کا سلسلہ 24 اضلاع میں جاری ہے۔ سندھ میں اب تک 1 لاکھ 41 ہزار 518 کاشتکاروں کو 3 ارب 32 کروڑ 68 لاکھ 71 ہزار 506 روپے رقم فراہم کردی گئی ہے۔

یہ بھی پڑھیں : سندھ کابینہ اجلاس : الادین پارک کی اراضی بی آر ٹی ریڈ لائن بس ڈیپو کو دینے کی منظوری

ان کا کہنا تھا کہ عید کے بعد دوسرے فیز کے 25 ایکڑ تک والے کاشتکاروں کو گندم کے بیج کی رقم دی جائے گی۔ پہلے فیز کے رہ جانے والے تصدیق شدہ کاشتکاروں کو بھی دوسرے فیز میں سبسڈی رقم دی جائے گی۔