راجن پور : سی ٹی ڈی کا آپریشن، دو دہشت گرد ساتھیوں کی فائرنگ سے ہلاک

راجن پور : حکام نے دعویٰ کیا ہے کہ دو دہشت گرد سی ٹی ڈی سے مقابلے کے دوران اپنے ہی ساتھیوں کی فائرنگ سے ہلاک ہوگئے۔

پولیس کے محکمہ انسداد دہشت گردی (سی ٹی ڈی) نے خفیہ اطلاع پر آپریشن کیا تو دہشت گردوں نے فائرنگ کردی۔ دوران آپریشن دو دہشت گرد اپنے ہی ساتھیوں کی فائرنگ سے ہلاک ہوگئے، جن کی شناخت شناخت الیاس اور عرفان اللہ کے نام سے کی گئی ہے۔

یہ بھی پڑھیں : سی ٹی ڈی پنجاب کی کارروائی میں پانچ اہم دہشت گرد گرفتار

سی ٹی ڈی کے مطابق تین دہشت گرد اندھیرے کا فائدہ اٹھاتے ہوئے فرار ہوگئے۔ دو خفیہ ادارے پر حملے کی منصوبہ بندی کر رہے تھے۔ دہشت گردوں کے قبضے سے دھماکہ خیز مواد اور اسلحہ بھی برآمد کیا گیا ہے۔

حکام کا کہنا ہے کہ فرار ہونے والے دہشت گردوں کی تلاش جاری ہے۔ واقعے کا مقدمہ سی ٹی ڈی ڈی جی خان میں درج کردیا گیا ہے۔