ججز بھی ایک پیج پر نہیں، ماضی کی طرح اس بار الیکشن میں دھاندلی نہیں ہونی چاہیے: سراج الحق

لاہور: سراج الحق کا کہنا ہے کہ عدالت کے ججز بھی ایک پیج پر نہیں ہیں، ماضی کی طرح اس بار الیکشن میں دھاندلی نہیں ہونی چاہیے۔

امیر جماعت اسلامی سراج الحق کا پریس کانفرنس کرتے ہوئے کہنا تھا کہ گوادر میں شدید بدامنی ہے، سیاسی جماعتوں میں بہت زیادہ فاصلے ہیں، سیاسی بحران کی وجہ سے معاشی اور آئینی بحران ہے، پورے ملک میں ایک ہی روز میں الیکشن ہونے چاہیئں، کسی ایک صوبے میں الیکشن ہونا مسائل کا حل نہیں۔

یہ بھی پڑھیں: پنجاب میں صوبائی حکومت بن جائے تو جنرل الیکشن شفاف نہیں ہوسکتا: سراج الحق

سراج الحق کا کہنا تھا کہ الیکشن ہونے سے پہلے ہی متنازع ہوگیا، چاہتے ہیں ماضی کی طرح الیکشن نہ ہوں، سیاسی لڑائی کا اثر غریب عوام پر پڑتا ہے، پورے ملک میں ایک ساتھ الیکشن ہونا چاہیے، متنازع الیکشن سے ملک کے حالات خراب ہوں گے، پہلے جینا مشکل تھا اور اب مرنا۔

ان کا کہنا تھا کہ عدالت کے ججز بھی ایک پیج پر نہیں ہیں، تمام سیاسی جماعتوں کا کہنا ہے کہ مذاکرات ہونے چاہئیں، ماضی کی طرح اس بار الیکشن میں دھاندلی نہیں ہونی چاہیے۔