ٹی ٹی پی کے کمانڈرز اور غریب دہشتگردوں کے درمیان شدید اختلافات

ٹی ٹی پی کے ذیلی گروپوں میں فساد اور قتل و غارت کی رپورٹ منظر عام پر آگئی۔

اس رپورٹ کے مطابق ٹی ٹی پی کے ذیلی گروپوں کے کمانڈرز اور غریب پیادے دہشتگردوں میں شدید اختلافات پیدا ہوگئے ہیں ۔

رپورٹ میں بتایا گیا ہے کہ ٹی ٹی پی کے ذیلی گروپوں نے مرکزی قیادت پر عدم اعتماد کا اظہار کر دیا، ان اختلافات کی بنیادی وجوہات میں معاشی مشکلات سر فہرست ہیں۔

رپورٹ کے مطابق وسائل کی غیر منصفانہ تقسیم پر ٹی ٹی پی کے ذیلی گروپوں میں دراڑ پیدا ہو گئی، کمانڈرز کا شاہانہ طرزِ زندگی جیسا کہ گاڑیوں اور پیسے کی فراوانی کو اختلافات کی بنیادی وجہ قرار دیا گیا۔

ٹی ٹی پی دہشتگردوں نے معاشی مسائل درست کرنے کیلئے کمانڈرز کو سیکیورٹی فورسز کے سامنے ہتھیار ڈالنے کی دھمکی دے دی۔

یہ پڑھیں : شمالی وزیرستان : رواں سال ٹی ٹی پی کیخلاف آپریشنز میں 50 شدت پسند ہلاک ہوئے : رپورٹ