ہماری جمہوریت خطرے میں ہے، جمہوری حقوق کی خلاف ورزی کی جا رہی ہے: عمران خان

لاہور: چیئرمین پی ٹی آئی عمران خان کا کہنا ہے کہ ہماری جمہوریت خطرے میں ہے، جمہوری حقوق کی خلاف ورزی کی جا رہی ہے۔

امریکی شہر ہیوسٹن میں پی ٹی آئی کے زیر اہتمام عید ملن پارٹی سے ویڈیولنک خطاب کرتے ہوئے عمران خان کا کہنا تھا کہ یہ الیکشن سے بھاگ رہے ہیں اور آئین کی خلاف ورزی کر رہے ہیں۔

عمران خان کا کہنا تھا کہ ان کو خدشہ ہے کہ الیکشن ہوگئے تو ان کا ہمیشہ کے لیے خاتمہ ہوجائے گا، ہماری جمہوریت خطرے میں ہے، جمہوری حقوق کی خلاف ورزی کی جا رہی ہے، میرے اوپر ہر روز نیا کیس بنایا جاتا ہے، چھوٹا سا مافیا کوشش کر رہا ہے کہ سب اس کے کنٹرول میں آجائے۔

یہ بھی پڑھیں: اطلاعات ہیں عید کی چھٹیوں میں عمران خان گرفتار کیا جاسکتا ہے: عمران اسماعیل

ان کا کہنا تھا کہ پاکستان ترقی کی راہ پر جاسکتا ہے کیونکہ قوم میں شعور آگیا ہے، پاکستان میں انسانی حقوق کی پامالی کے خلاف آپ آواز اٹھائیں۔