وزیراعظم کا ترکیہ کے صدر رجب طیب اردوان کو ٹیلی فون، عید کی مبارکباد

اسلام آباد: وزیراعظم شہبازشریف کا ترکیہ کے صدر رجب طیب اردوان کو ٹیلی فون، عید کی مبارکباد دی۔

وزیراعظم شہباز شریف نے ترکیہ کے زلزلہ متاثرین کیلئے دعا کی اور زلزلہ متاثرین کی بحالی کیلئے ترکیہ کے ساتھ کھڑے ہونے کے عزم کا اعادہ کیا۔

صدر رجب طیب اردوان نے وزیراعظم کی عید کی مبارکباد کا گرمجوشی سے جواب دیا، صدر اردوان نے پاکستانی عوام کیلئے اپنے خصوصی برادرانہ جذبات اور پیار کا اظہار بھی کیا۔

ترک صدر نے مشکل گھڑی میں ساتھ دینے پر پاکستانی عوام اور حکومت کا شکریہ ادا کیا، انہوں نے کہ پاکستان کی مدد کو کبھی فراموش نہیں کریں گے۔

ترک صدر نے زلزلے کے بعد وزیراعظم کے دورہ ترکیہ کو بھی سراہا، دونوں رہنماؤں نے دو طرفہ برادرانہ تعلقات پر اطمینان کا اظہار کیا۔