آئینی ادارے اور ججز ایک پیج پر نہیں، ملک اس وقت شدید انتشار کا شکار ہے: سراج الحق

لاہور: سراج الحق کا کہنا ہے کہ آئین اس وقت تختہ مشق بنا ہوا ہے، ملک اس وقت شدید انتشار کا شکار ہے، خود آئینی ادارے اور ججز ایک پیج پر نہیں۔

امیر جماعت اسلامی سراج الحق کا اپنے ایک بیان میں کہنا تھا کہ ریاست کے ادارے آپس میں آمنے سامنے ہیں، روپے کی قدر میں کمی، قرضوں میں اضافہ ہورہا ہے، ملک میں بدامنی دہشتگردی اور مہنگائی میں اضافہ ہورہا ہے۔

یہ بھی پڑھیں: حکومت اور پی ٹی آئی کے درمیان مذاکرات شروع

سراج الحق کا کہنا تھا کہ آئین بھی اس وقت تختہ مشق بنا ہوا ہے، خیبرپختونخوا میں دہشت گردی میں اضافہ ہوا، بلوچستان بھی آج آتش فشاں بن رہا ہے، سینئر صحافی نے انکشاف کیا کشمیر کا سودا ہوگیا، کسی نے سینئر صحافی کی بات بھی نہیں کی۔

ان کا کہنا تھا کہ ملک اس وقت شدید انتشار کا شکار ہے، خود آئینی ادارے اور ججز ایک پیج پر نہیں، قوم پریشانی میں مبتلا ہے، دو وقت کا کھانا بھی عوام کو میسر نہیں ہے۔