کراچی ایکسپریس میں آگ لگنے کا واقعہ، وزارت ریلوے کا نوٹس، تحقیقات کا حکم

لاہور: کراچی ایکسپریس میں آگ لگنے کے واقعے پر وزارت ریلوے نے نوٹس لیتے ہوئے تحقیقات کا حکم دے دیا۔

ترجمان ریلوے کے مطابق متاثرہ بوگی علیحدہ کرنے کے بعد ٹرین کو روانہ کر دیا گیا ہے، 26 اپریل کورات ساڑھے 12 بجے کراچی ایکسپریس میں آگ لگی، اطلاع موصول ہوتے ہی ٹرین کو ٹنڈو مستی خان اسٹیشن کے قریب روک لیا گیا۔

ترجمان ریلوے کا کہنا ہے کہ فائر بریگیڈ کی پہلی گاڑی رات ایک بجکر 50 منٹ تک آگ بجھانے پہنچی، 40 منٹ کی جدوجہد کے بعد آگ پر قابو پا لیا گیا۔

یہ بھی پڑھیں: کراچی ایکسپریس کی بزنس کلاس بوگی میں آگ لگ گئی، 7 افراد جاں بحق

ترجمان ریلوے نے بتایا کہ 2 آگ سے 2 مسافر جاں بحق، 4 مسافر لا پتہ ہیں۔