راجن پور : کچے میں ڈاکوؤں سے مقابلہ، ایلیٹ فورس کا ایک اہلکار شہید

راجن پور : کچے میں ڈاکوؤں سے مقابلے کے دوران ایلیٹ فورس کا ایک اہلکار شہید ہوگیا۔

کچے میں پولیس کا ڈاکوؤں کے خلاف آپریشن 25 ویں روز بھی جاری ہے۔ چک عمرانی میں پولیس اور ڈاکوؤں کے درمیان شدید فائرنگ کا تبادلہ ہوا، جس میں ایلیٹ فورس کا ایک جوان شہید ہوگیا۔

یہ بھی پڑھیں : پرویز الہٰی کرپشن کیس : مبینہ فرنٹ مین سہیل اصغر پولیس حراست سے فرار

شہید ہونے والے اہلکار کا نام محمد قاسم کورائی تھا، جس کا تعلق نواحی علاقہ فاضل پور سے ہے۔ ڈی پی او راجن پور نے شہید کو خراج تحسین پیش کرتے ہوئے کہا کہ دہشت گردوں کا خاتمہ کرکے کے حکومت کی رٹ قائم کریں گے۔