کراچی کی 11 یوسیز اور 15 وارڈز کی نشستوں پر پولنگ کل ہوگی

کراچی : ضمنی بلدیاتی انتخابات کیلئے انتخابی مہم کا وقت ختم ہوچکا ہے۔ کراچی کی 11 یوسیز اور 15 وارڈز کی نشستوں پر پولنگ کل ہوگی۔

کراچی میں مجموعی طور پر 234 امیدوار مد مقابل ہیں۔ 11 یوسیز پر 119 امیدواروں اور وارڈز کی 15 نشستوں پر 115 امیدواروں کے درمیان مقابلہ ہوگا۔

یہ بھی پڑھیں : فواد چوہدری کی جماعت کو بلدیاتی انتخابات میں بدترین شکست دی : شرجیل میمن

الیکشن کمیشن کے مطابق آج پولنگ عملے کو سامان کی ترسیل ہوگی۔ ضلع کورنگی، وسطی اور غربی کی 3-3 یوسیز میں ضمنی انتخابات ہوں گے۔ ضلع کیماڑی اور جنوبی کی 1-1 یوسی میں ضمنی انتخابات ہوں گے۔

ضلع کیماڑی اور شرقی کے 6-6 وارڈز میں پولنگ ہوگی۔ ضلع کورنگی کے 2 اور ضلع غربی کے ایک وارڈ میں پولنگ ہوگی۔