عمران خان سر سے پاؤں تک جھوٹا اور مکار آدمی ہے: وزیراعظم

لندن: وزیراعظم شہباز شریف کا کہنا ہے کہ عمران خان سر سے پاؤں تک جھوٹا اور مکار آدمی ہے، عمران خان کا جھوٹ قوم کے سامنے آرہا ہے۔

لندن میں میڈیا سے گفتگو کرتے ہوئے وزیراعظم شہبازشریف کا کہنا تھا کہ اسکاٹش فرسٹ منسٹرحمزہ یوسف سے ملاقات بہت اچھی رہی، جلد سرمایہ کاری کانفرنس بلارہے ہیں جس میں تجارت، تعلیم، ٹیکنیکل ایجوکیشن سمیت مختلف شعبہ جات میں تعاون پرغور ہوگا۔

شہباز شریف نے کہا کہ عمران خان سر سے پاؤں تک جھوٹا اور مکار آدمی ہے، عمران خان کا جھوٹ قوم کے سامنے آرہا ہے، پی ٹی آئی حکومت کا میرے خلاف بنایا گیا بیانیہ جھوٹ پر مبنی تھا۔

یہ بھی پڑھیں: بلاول بھٹو کے کامیاب دورہ بھارت پر عمران خان مکمل پاگل ہوگیا ہے: مریم اورنگزیب

ان کا کہنا تھا کہ نیوزی لینڈ سمیت دیگرممالک میں میرے خلاف شواہد اکٹھے کرنے کی کوشش کی گئی، کیس میں میری بریت پورے پاکستان کی فتح ہے، عمران خان نے میرے خلاف ہر حربہ استعمال لیکن انہیں ناکامی ہوئی۔