پاکستان ایک بار پھر آئی ایم ایف پیکیج حاصل نہ کرسکا

اسلام آباد : سترہ مئی کی ایگزیکٹو بورڈ میٹنگ کے ایجنڈے سے پاکستان غائب ہے۔ اسٹاف لیول معاہدہ ہونے کا امکان نہیں ہے۔ عالمی مالیاتی اداروں سے فنڈنگ نہ ملنے کا خدشہ ہے۔

دوست ممالک سے پاکستان کو فنانسنگ کی یقین دہانی، بجلی، پیٹرول کی قیمتوں میں اضافہ، 170 ارب روپے کے اضافی ٹیکسوں سے کام نہ آیا۔ بجٹ سازی کا شیڈول متاثر ہونے کا خطرہ ہے۔

یہ بھی پڑھیں : طے شدہ بیل آؤٹ پروگرام کی رکی ہوئی فنڈنگ جلد شروع کی جائے گی : آئی ایم ایف مشن چیف

ذرائع کے مطابق آئی ایم ایف پاکستان کی بیرونی فنانسنگ کی یقین دہانی پر ابھی تک مطمئن نہیں۔ 30 جون تک 3.7 ارب ڈالر واپس کرنے ہیں۔ زرمبادلہ ذخائر 2 ماہ کی درآمدات کے مساوی کرنے کا مطالبہ جاری ہے۔

پاکستان کو زر مبادلہ کا لیول 11 سے 12 ارب ڈالر پہنچانا ہے۔ آئی ایم ایف اب بینکوں کے قرضوں پر شرح سود 25 فیصد کرنے کا مطالبہ کر رہا ہے۔ 9 ماہ سے پاکستان کا اسٹا ف لیول اگریمنٹ تعطل کا شکار ہے۔