نیب کی مراد سعید کیخلاف رشوت، غیر قانونی تقرریوں کی شکایات پر تحقیقات کا آغاز

پشاور : نیب نے رشوت، غیر قانونی تقرریوں سمیت دیگر شکایات پر مختلف محکموں سے کیس سے متعلق ریکارڈ طلب کرلیا ہے۔

نیب نے سیکریٹری لوکل گورنمنٹ، لائیو اسٹاک، ایریگیشن سے ریکارڈ طلب کرلیا۔ متعلقہ محمکوں سے مبینہ غیر قانونی تقرریوں سے متعلق معلومات مانگ لیں۔

یہ بھی پڑھیں : دیکھتے ہی گولی مارنے کا حکم ہے، ہوسکتا ہے یہ آخری ویڈیو پیغام ہو: مراد سعید

سیکریٹری لوکل گورنمنٹ سے مبینہ کرپشن اور کرپٹ پریکٹسیز سے متعلق تفصیلات بھی طلب کی ہیں۔ خط کے مطابق مراد سعید نے مبینہ طور پر فرنٹ مین حمید اور فضل مولا کے ذریعے ان پیسوں سے پراپرٹی خریدی۔

سیکریٹری ایری گیشن سے باغ ڈیری سوات ایری گیشن چینل میں مبینہ کرپشن سے متعلق معلومات بھی طلب کی گئیں ہیں، جس میں باغ ڈیری پراجیکٹ تخمینہ، جاری فنڈ اور پراجیکٹ ایسٹیمیٹ کی تفصیلات شامل ہیں۔