وفاقی حکومت کا مردم شماری فیلڈ آپریشن 15 مئی کو مکمل کرنے کا فیصلہ

اسلام آباد: وفاقی حکومت نے مردم شماری فیلڈ آپریشن 15 مئی کو مکمل کرنے کا فیصلہ کیا ہے۔

وفاقی حکومت کے مطابق فیلڈ آپریشن کی تاریخ میں 15 مئی کے بعد توسیع نہیں ہوگی، تمام صوبائی حکومتیں مردم شماری کے فیلڈ آپریشن 15 مئی تک مکمل کریں۔

ترجمان کا کہنا ہے کہ سی سی آئی کی منظوری کے بعد نتائج الیکشن کمیشن کو پیش کیے جائیں گے، حلقہ بندیوں کیلئے نتائج الیکشن کمیشن کو فراہم کرنا ضروری ہے۔

یہ بھی پڑھیں: مینول فراڈ سے بڑا فراڈ ڈیجیٹل مردم شماری سے کیا جارہا ہے: حافظ نعیم الرحمان

وفاقی ادارہ شماریات نے چاروں صوبوں کو خط لکھ دیا ہے، آزاد کشمیر، گلگت بلتستان اور اسلام آباد انتظامیہ کو بھی خط لکھ دیا گیا ہے۔