انقلابی جماعت نے سر پر بالٹیاں رکھنے، جوتیاں چھوڑ کر دوڑیں لگانے کی تاریخ رقم کردی: مریم نواز

لاہور: مریم نواز کا کہنا ہے کہ تاریخ میں پہلی بار ایک جماعت نے ڈر کے مارے ٹانگ پر پلستر چڑھائے، انقلابی جماعت نے سر پر بالٹیاں رکھنے، جوتیاں چھوڑ کر دوڑیں لگانے کی تاریخ رقم کی۔

سینئر نائب صدر (ن) لیگ مریم نواز کا اپنے ایک ٹوئٹ میں کہنا تھا کہ دیکھا، سنا اور پڑھا تو یہ تھا کہ سیاسی لیڈر اور کارکن گھبراتے نہیں، سیاسی لیڈر اور کارکن نظریے کیلئے بہادری سے گرفتاریاں دیتے ہیں۔

مریم نواز کا کہنا تھا کہ سیاسی لیڈر حوصلے سے قید و بند کا سامنا کرتے ہیں، سیاسی لیڈر کوئی بھی قربانی دینے سے گریز نہیں کرتے۔

ان کا کہنا تھا کہ تاریخ میں پہلی بار ایک جماعت نے ڈر کے مارے ٹانگ پر پلستر چڑھائے، انقلابی جماعت نے سر پر بالٹیاں رکھنے، جوتیاں چھوڑ کر دوڑیں لگانے کی تاریخ رقم کی۔

دیکھا سُنا اور پڑھا تو یہ تھا کہ سیاسی لیڈران اور کارکنان گھبراتے نہیں، نظریے کے لیے بہادری سے گرفتاریاں پیش کرتے ہیں، حوصلے سے قید وبند کا سامنا کرتے ہیں، بڑی سے بڑی قربانی دینے سے گریز نہیں کرتے، نا قابلِ تلافی نقصانات برداشت کرتے ہیں مگر تاریخ میں پہلی مرتبہ ایک انقلابی جماعت…

— Maryam Nawaz Sharif (@MaryamNSharif) May 16, 2023

خیال رہے کہ اسلام آباد ہائیکورٹ نے تھری ایم پی او کے تحت فواد چوہدری کی گرفتاری کالعدم قرار دے کر انہیں رہا کرنے کا حکم دیا تھا۔

فواد چوہدری رہائی کے بعد جیسے ہی گھر واپسی کے لیے گاڑی میں بیٹھے تو انہوں نے اپنے سامنے پولیس اہلکاروں کو دیکھا تو وہ گاڑی سے اتر کر بھاگ نکلے۔