پنجاب پولیس کو آپریشن میں اہم کامیابی، کچہ کراچی ڈاکوؤں سے آزاد

17 مئی, 2023 12:56

پنجاب پولیس کو آپریشن میں اہم کامیابی، کچہ کراچی ڈاکوؤں سے آزاد

صادق آباد : پنجاب پولیس کی جانب سے کچے کے علاقے میں ہر گزرتے دن کے ساتھ ڈاکوؤں کے گرد گھیرا مزید کیا جارہا ہے، کچہ کراچی کو ڈاکوؤں سے آزاد کرالیا گیا۔

صادق آباد کے کچے کےعلاقے میں پولیس کا گرینڈ آپریشن 39ویں روز میں داخل ہوگیا، جس میں پولیس کو ایک اور اہم کامیابی مل گئی۔ کچہ کراچی کو ڈاکوؤں سے پاک کر دیا گیا۔

یہ بھی پڑھیں : پنجاب میں شرپسندوں کے خلاف آرمی ایکٹ کے تحت کارروائی کرنے کی منظوری

ترجمان کے مطابق کچہ رجوانی کو کلیئر کرانے کے لیے پولیس کے دستے آگے بڑھنے لگے ہیں، جہاں پولیس اور ڈاکوؤں کے درمیان وقفے وقفے سے فائرنگ جاری ہے۔ پولیس نے ڈاکوؤں کی سپلائی چین کاٹ کر فرار کے راستے مسدود کر دیئے۔