عثمان بزدار کی عبوری ضمانت میں 23 مئی تک کی توسیع
18 مئی, 2023 14:36
لاہور : احتساب عدالت نے سابق وزیر اعلیٰ پنجاب عثمان بزدار کی عبوری ضمانت میں 23 مئی تک کی توسیع کر دی۔
احتساب عدالت میں عثمان بزدار اثاثہ جات انکوائری کیس کی سماعت ہوئی۔ عثمان بزدار کی جانب سے بیرسٹر مومن ملک ایڈووکیٹ پیش ہوئے۔ وکیل نے عثمان بزدار کی ایک روزہ حاضری معافی کی درخواست دائر کی۔
وکیل کا کہنا تھا کہ عثمان بزدار کو سیاسی انتقام کا نشانہ بنایا جا رہا ہے۔ حالات کے پریشانی کی وجہ سے وہ دل کی تکلیف میں مبتلاء ہوگئے ہیں۔ آج حاضری سے معافی دی جائے۔
یہ بھی پڑھیں : عدالت کی عثمان بزدار کو 10 مئی کو نیب آفس پیش ہونے کی ہدایت
فاضل جج نے ریمارکس دیئے کہ عثمان بزدار کی جانب سے ہر تاریخ پر نیا بہانہ سامنے آتا ہے۔ ہمیں علم ہے، وہ کیوں نہیں آئے ان کو جلاؤ گھیراؤ کیس میں گرفتاری کا ڈر ہے۔
عدالت نے عثمان بزدار کی ایک روزہ حاضری معافی کی درخواست منظور کرتے ہوئے بذریعہ وکیل نیب کو اثاثہ جات کی تفصیل جمع کرانے کا حکم دے دیا۔
عدالت نے ریمارکس دیئے کہ عثمان بزدار کو اثاثہ جات کی تفصیل جمع کرانے کا آخری موقع دے رہے ہیں۔ اگر آئندہ سماعت پر ملزم پیش نہیں ہوا تو ضمانت خارج کر دی جائے گی۔ کیس کی مزید سماعت 23 مئی تک ملتوی کردی گئی۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
نیپا واقعہ: کے ایم سی نے بی آر ٹی اور نجی اسٹور کو سانحے کا ذمہ دار قرار دے دیا
3-دسمبر،2025
