پاکستان کو دیوالیہ ہونے کا کوئی خطرہ نہیں:وزیرخزانہ
24 مئی, 2023 17:52
وزیر خزانہ اسحاق ڈار نے کہا ہے کہ پاکستان کو دیوالیہ ہونے کا کوئی خطرہ نہیں،ہم نے اپنے ملک کی معیشت کو بہتر کرنا ہے۔
اسلام آباد: وزیر خزانہ اسحاق ڈار نے تقریب سے خطاب کرتے ہوئے کہا کہ پاکستان کو مختلف چیلنجز کا سامنا ہے، ہم سب نے مل کر پاکستان کو آگے لے کر جانا ہے، کرنٹ اکاؤنٹ خسارہ کرنٹ اکاؤنٹ سرپلس ہوگیا ہے
وزیرخزانہ نے کہا کہ بجٹ کے حوالے سے آنے والی تمام تجاویز کا خیر مقدم کرتے ہیں،دنیا کے بڑے بڑے ماہر معاشیات کہتے تھے پاکستان ڈیفالٹ کرے گا، اسٹیٹ بینک کی ٹیم بھی محنت کررہی ہے۔
انھوں نے مزید کہا کہ پاکستان بہت تیزی سے بحران سے باہر نکلا، ہم سب نے مل کر پاکستان کو آگے لے کر جانا ہے،2017میں پاکستان دنیا کی 24ویں معیشت بن چکا تھااوربدقسمتی ہے کہ ہم 45ویں معیشت بن گئے۔
اسحاق ڈارنے کہا کہ آئی ایم ایف معاہدے کے حوالے سے ہماری ٹیم نے کام مکمل کرلیا،کوشش کررہے ہیں آئی ایم ایف پروگرام مکمل ہوجائے، 30جون تک آئی ایم ایف پروگرام ختم ہوجائے گا۔
وزیر خزانہ نے کہا کہ ہم نے ساڑھے 5ارب ڈالر کمرشل بینکوں کو واپس کیے، چینی بینکوں نے 2ارب ڈالر ہمیں واپس کردیئے۔
یہ پڑھیں : مذاکرات میں کوئی ڈیڈ لاک نہیں ہے: وزیر خزانہ اسحاق ڈار
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
نیپا واقعہ: کے ایم سی نے بی آر ٹی اور نجی اسٹور کو سانحے کا ذمہ دار قرار دے دیا
3-دسمبر،2025
