آئی ایم ایف کا پاکستانی سیاسی صورتحال پر بیان داخلی معاملات میں مداخلت قرار
31 مئی, 2023 14:40
اسلام آباد : وزیر مملکت کا کہنا ہے کہ امید ہے نئے بجٹ سے پہلے اسٹاف لیول معاہدہ ہو جائے گا، آئی ایم ایف کا بیان غیر معمولی نوعیت کا ہے۔
وزیر مملکت برائے خزانہ عائشہ غوث پاشا نے میڈیا سے گفتگو کرتے ہوئے پاکستان قانون کے مطابق ہی چل رہا ہے۔ آئی ایم ایف مشن چیف کا بیان غیر معمولی نوعیت کا ہے۔ پاکستان کے اندرونی معاملات میں مداخلت آئی ایم ایف کا مینڈیٹ نہیں ہے۔
یہ بھی پڑھیں : جون میں بورڈ اجلاس کیلئے کوشش کر رہے ہیں، پروگرام ابھی ختم نہیں ہوا : آئی ایم ایف مشن
انہوں نے کہا کہ قرض پروگرام میں تاخیر پاکستان اور آئی ایم ایف دونوں کے مفاد میں نہیں ہے۔ وزیراعظم نے ایم ڈی آئی ایم ایف کو شرائط پر عمل درآمد اور پروگرام مکمل کرنے کی یقین دہانی کرائی ہے۔ امید ہے نئے بجٹ سے پہلے اسٹاف لیول معاہدہ ہو جائے گا۔
ان کا کہنا تھا کہ 30 جون کو آئی ایم ایف پروگرام ختم ہو جائے گا۔ آئی ایم ایف سے ڈیل نہ ہوئی تو وزارت خزانہ آنکھیں بند کرکے نہیں بیٹھی۔ ہر وقت پلان بی بھی موجود ہوتا ہے، ہماری ترجیح آئی ایم ایف پروگرام ہے۔ نئے مالی سال کا بجٹ الیکشن ایئر بجٹ ہوگا۔
عائشہ غوث پاشا نے کہا کہ نیا بجٹ 9 جون کے حساب سے تیار کیا جارہا ہے۔ نئے بجٹ میں عوام کو ریلیف دیا جائے گا۔ کوشش ہوگی عام آدمی پر مزید بوجھ نہ ڈالا جائے۔ آئی ایم ایف پاکستان کو ٹارگٹڈ سبسڈی کی اجازت دیتا ہے۔
Catch all the بریکنگ نیوز News, پاکستان News, معیشت News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
نیپا واقعہ: کے ایم سی نے بی آر ٹی اور نجی اسٹور کو سانحے کا ذمہ دار قرار دے دیا
3-دسمبر،2025
