سپریم کورٹ پریکٹس اینڈ پروسیجر بل کیس پر سماعت بغیر کارروائی کے ملتوی
08 جون, 2023 13:35
سپریم کورٹ پریکٹس اینڈ پروسیجر بل کیس پر سماعت بینچ کی عدم دستیابی کے باعث غیر معینہ مدت تک ملتوی کردی گئی۔
عدالتی عملے نے آج کیس کی سماعت نہ ہونے سے متعلق باضابطہ آگاہ کر دیا،8 رکنی بینچ کے ایک رکن آج دستیاب نہیں ہیں۔
ذرائع کے مطابق جسٹس شاہد وحید طبیعت ناسازی کی وجہ سے دستیاب نہیں تھے،عدالتی عملے کا کہنا ہے کہ اٹارنی جنرل نے بھی نظرثانی کیلئے وقت مانگ رکھا ہے، بجٹ مصروفیات کے باعث حکومت کو نظرثانی کیلئے زیادہ وقت درکارہوگا۔
خیال رہے کہ سپریم کورٹ پریکٹس اینڈ پروسیجر بل کیخلاف دائر درخواستوں پر سماعت چیف جسٹس عمرعطا بندیال کی سربراہی میں 8 رکنی لارجر بینچ کررہی ہے، جسٹس اعجازالاحسن،جسٹس منیب اختر،جسٹس مظاہر نقوی،جسٹس محمد علی مظہر،جسٹس عائشہ ملک،جسٹس حسن اظہر رضوی اورجسٹس شاہد وحید بھی بینچ کا حصہ ہیں۔
عدالت نے سپریم کورٹ پریکٹس اینڈ پروسیجر ایکٹ پر تاحکم ثانی عملدرآمد روک رکھا ہے، قائمہ کمیٹی میں ہونیوالی بحث کا ریکارڈ بھی عدالت عظمی نے پیش کرنے کی ہدایت کر رکھی ہے، وفاقی حکومت نے فل کورٹ کی تشکیل دینے کیلئے متفرق درخواست دائر کررکھی ہے۔
واضح رہے عدالت نے گزشتہ سماعت میں فل کورٹ تشکیل دینے کی استدعا مسترد کر دی تھی۔
یہ پڑھیں : سپریم کورٹ پریکٹس اینڈ پروسیجر ایکٹ2023 کو چیلنج کردیا گیا
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
