پی پی کے دروازے سب کیلئے کھلے ہیں کسی سے بھی اتحاد ہوسکتا ہے: ندیم افضل چن

09 جون, 2023 16:18

پی پی کے دروازے سب کیلئے کھلے ہیں کسی سے بھی اتحاد ہوسکتا ہے: ندیم افضل چن

لاہور: ندیم افضل چن کا کہنا ہے کہ پیپلز پارٹی کے دروازے سب کیلئے کھلے ہیں کسی سے بھی اتحاد ہوسکتا ہے۔

سینئر رہنما پیپلزپارٹی ندیم افضل چن کا پریس کانفرنس کرتے ہوئے کہنا تھا کہ آصف زرداری نے میثاق معیشت کی بات کی ہے، مڈل کلاس کیلئے ریلیف پیکج دینا بہت ضروری ہے، ملکی صورتحال کے پیش نظر میثاق معیشت بھی ضروری ہے۔

یہ بھی پڑھیں: آزاد کشمیر:ایل اے 15 کے ضمنی الیکشن میں پیپلزپارٹی کامیاب

ندیم افضل چن کا کہنا تھا کہ ملک میں کارکنوں کی واحد جماعت پیپلز پارٹی ہے، باقی پارٹیوں نے کارکنوں کو ڈھال بنایا ہوا ہے۔

ان کا کہنا تھا کہ دروازے سب کیلئے کھلے ہیں کسی سے بھی اتحاد ہوسکتا ہے۔